السلام العليكم /
موضوع اليوم قد يكون مجهول عند الكثيرمن الذين يجتهدون في علوم الطاقه في الوطن العربي مؤخرا تعرفنا علي البرانيك والكروماتيك والكاينتك والريكي والكثير من علوم الشفاء الذاتي .....
اليوم نبذ عن نوع اخر من فنون الشفاء الذاتي بالطاقه الحيويه
وهوووووووووووووووووووووووووو
الكايروبركتيك
فن طبي علاجي يفتقده الكثير الكثير من المعالجين في وطننا العربي ، تقنيات عالية في علاج الامراض عن طريق تقويم فقرات العمود الفقري ، مما يؤدي الى زيادة كفاءة الجهاز المناعي للجسم بالدرجة الاولى ثم بقية الاجهزة الداخلية للجسم من القلب الى المعدة الى الكبد و غير ذلك ...
هل يمكن للاختلالات في العمود الفقري أن تؤثر على أعضائك الداخلية؟..
هذا سؤال عظيم.
ديفيد فنتون (دكتوراه في الطب) دكتوراه من جامعة
تابعوووووووناااااااااااااااااااااااااااااااااااااا
نهي عمار
التوتر
مرض العصر وكل عصر ويتزايد كلما تقدمنا ...وازدادت ضغوط الحياه وصراعات النفس للوصول لما هوافضل والحصول علي السعاده .. حتي نسينا نسال نفسنا هي ايه هي السعاده ؟
وازاي اقدر اوصلها ؟
وامتي اكون سعيد ؟
وازاي اعرف الشيء اللي يجعلني سعيد فعلا؟
كل ده سهل الرد عليه ...المهم هو اننا نعالج القلق الدائم والتوتر المزمن اللي بيقض علي حياتنا وصحتنا .
ابرز الدراسات حداثه قام بها Shanal 1990
بين فيها علاقه التوتر في العمل وارتفاع ضغط الدم والتغيرات التي يمكن ان تحدث من جراء ذلك في نشاط القلب
وايضا دراسه اخري قام بها كوهن ات ال Kohen AT AL 1991 كشفت عن علاقه بين التوتر النفسي الاجتماعي والاصابه بالزكام
لذلك نجد ان يتصل العقل بالجسد عبر جهازين هامين :
الجهاز العصبي(السمبتاوي والباراسمبتاوي ) وجهاز الغدد
طيب والحل .........
ازاي افصل نفسي عن التوتر
كل شيء بالتدريب متاح
اهم ماتتدرب عليه
1- كسر الروتين بالرياضه
2- ان لم تستطيع حتي عن المشي ..بيكون الحل الامثل في الحالتين التنفس ...ازاي؟
بمجرد شعورك ببدء الدائره السلبيه التي تجعلك متوتر لابد من ان تقول لنفسك بهدوء:
1http://img.youm7.com/large/s1201268333.jpg- قف ....عن التفكير باي شيء
2- تنفس بعمق ...تنفس هواء وتخيل انك تدخله كل خلايا جسدك من طرف قدميك الي راسك.
3- تفكر ...فكر في شيء او كلمه تعزز ايمانك وعقيدتك وتكون دائما سبب تهدئتك (مثل الله -او موقف قوه وحكمه ) اي شىء يجعلك تتذكر انك اقوي من كل الصعاب فلا تتاثر فمن المؤكد انك مررت باكثر مما انت فيه الان وتخطيته .
4- تقرر واختار..... قرر انك لاتعود للتفكير السودوي الذي يجعلك تحت ضغط فكر في جسدك فان لم تفقد صحتك فاانت معك كل كنوز الارض.ض.
تذكر دائما عندما تتعرض لموقف حاسم جعلك تتوتر :
1-قف..2-تنفس .3-تفكر. 4- قرر واختار.
Stop-Breath-Reflect-Choos
تحياتي / نهي عمار
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
كيف تنشئ علاقة ناجحة
إزاي تعمل علاقة ناجحة مع شخص عنده Anxiety و Over thinking؟
هتمتع بقدر من الشجاعة وأكتب البوست ده لسببين: أولا لإني تعبت وزهقت شخصيًا من إني أشرح الحوار ده لكل واحد لوحده.. الموضوع بقى حقيقي مرهق، ثانيًا عشان يمكن تكونوا تعرفوا حد كدة أو انتوا شخصيًا كدة فأفهمكم شوية تفاصيل جايز آخد ثواب.
فيه حاجة اسمها Anxiety و Anxiety disorder و دول ترجمتهم الحرفية القلق واضطراب القلق..عادة القلق ده بيكون مرتبط بمشكلة تانية هي الـ Overthinkingأو الإفراط في التفكير.
.دول عرضين نفسيين بيجي معاهم أعراض تانية زي الأرق والصداع أحيانًا ومشاكل الجهاز الهضمي واضطرابات التغذية زي النهم الشديد أو إنعدام الشهية والبكاء بلا سبب وحاجات تانية من غيردخول في تفاصيل مملة.. حاجة شبه فكرة المتلازمة في الأمراض العضوية.
نرجع للقلق والإفراط في التفكير.. عايزة أتكلم أكتر عن تكوين العلاقت مع الشخص إللي عنده المشكلة دي، أيًا كان نوع العلاقة صداقة أو زواج أو حتى علاقة عاطفية هحاول أقرب ليكم الشخص ده بيحس بإيه عن طريق بعض الأمثلة..
مبدئيًا الشخص إللي عنده Overthinking دماغه مش بتقف عن التفكير حتى وهو نايم وبيتعذب جدًا بسبب ده طول اليوم..بيفكر في أمور جادة جدًا وعادةً سلبية في كل وقت حتى وهو بيتفرج على فيلم في السينما، حتى وهو بيستحمى وبياكل، حتى وهو بيصلي..
لو ربنا إدالك نعمة إنك تدخل الـNothing box شوية وتسرح في اللاشيء، فهو فعلا ما يعرفش يعني إيه نوثينج بوكس..عمره ما جرب إنه مخه ما يبقاش بيلف زي الخلاط..ومن كتر تسارع الأفكار في مخه بيحس كأنه فيه حد ماسك شاكوش وبيدق مسامير في دماغه..بيدخل بعدها في حالة تشبه حالات الهوس، بيبقى عنده رغبة شديدة في الكلام وغنه يطلع كل مشاعره وأفكاره دي فورًا بعد Over dose التفكير إللي هيجيب أجله، علشان كدة هتلاقيه ساعات بيرغي بلا توقف وبيتكلم بسرعة جدًا وممكن يعيد نفس المواضيع إللي اتكلم فيها 100 مرة.. إنت فاكره ممل وما بيزهقش بس الحقيقة إنه مخه بيفضل يعيد ويزيد في نفس الفكرة بمحاور مختلفة كل يوم..
دايمًا مضطرب وقلقان في علاقاته وإفراط التفكير بيخليه يسأل نفسه طول الوقت.. هو أنا غلطان؟ هو أصحابي بيحبوني؟ هو حبيبي بيحبني؟ هو أنا المفروض أقول كدة؟ هو كان متعود يتصل بيا ليه بطل يتصل..أكيد أنا عملت حاجة غلط؟ لو شفت رسالته وما ردتش عليه بيصبر شوية وبيستحمل، بس بعد شوية الأفكار بتتمكن منه: أكيد هو عيان..أكيد فيه مشكلة..ممكن يوصل بيه التفكير لو اتأخرت عليه كام يوم أو اتغيرت معاه في المعاملة كام يوم إنه يفكر إنك خلاص مش عايز تعرفه تاني! تخيل مدى ألمه وهو بيترجم تصرفاتك إنك مش بتحبه ومش عايز تعرفه تاني؟!
إنت بتبقى فاكره بيزن أو بيتدلع أو مقموص لما بيقعد يقولك مالك رد عليا، أو يتصل بيك كتير، لكن هو الحقيقي بيبقى محتاج جملة واحدة بس تريحه علشان يعرف ينام..لإنك بتبقى قاعد في بيتك بتتفرج على فيلم أو نايم (وده طبعًا مش ذنبك ومحدش يلومك وإنت مش مقصر في أي حاجة) بس هو بيبقى حرفيًا عايش ساعات سودة مستنيك تظهر وتطمنه إنه كل أفكاره المجنونة دي مالهاش أساس من الصحة فبيبقى لا على حامي ولا على بارد علشان نفسه يستريح علشان يعرف يعيش يومه عادي زي الناس الطبيعية.
اوعى في لحظة تكون فاكر إنه يقدر يتحكم في ده بسهولة..الموضوع صعب جدًا.. هو مش بيقدر يمنع نفسه إنه يفكر أو يتصرف كدة وبيلوم نفسه طول الليل والنهار وعلطول حاسس بالذنب وحاسس إنه عبأ على أصحابه وحبايبه.
مفيش غير سيناريوهين مع الشخص ده: يا مش هتعرف تتعامل معاه ومش هتفهمه وهيفضل يحس طول الوقت إنه تقيل وزنان ورخم ومع الوقت الإحساس ده هيوجعه فهيبعد عنك وعلى قدر ألمه وتحمله وحبه ليك على قد ما هيصمد معاك، يا إما هتعرف مفتاحه وهتكسبه خصوصًا وإن الشخص ده بيقدر جدًا الناس إللي بيفهموه وبيتعاملوا مع مشكلته لإنهم فعلا قليلين..
مفتاح الشخص ده هو كلمة واحدة "الأمان"..
كل إللي الشخص ده محتاجه لو إنه يحس بالأمان كل ما تجيله فكره سلبية كبيرة وإنت مع الوقت خلاص بتعرف السيناريوهات إللي بتدخله في مود التفكير ده ده.
لما بيقولك هو أنا وحشتك؟، لما بيزن كتير، لما بيقولك هو إنت زعلان، لما بيقولك فينك مختفي، لما بيقولك إنت متغير معايا، لما بيقولك فاكر زمان لما كنت بتعمل كذا..دي جمل معناها إنه متهدد وقلقان ومضطرب ومش محتاج أي حاجة أكتر من جملتين تلاتة بس حلوين و إيجابيين وهو هيبقى تمام..مش محتاج أكتر من مكالمة دقيقة..رسالة..أغنية لطيفة..ساعات بيبقى كل إللي محتاجه إنك حتى تعمله لايك..اللايك الهبلة دي ممكن تشيل من دماغه فكرة سلبيه مجنناه ويقول لنفسه: " لا لا هو مش زعلان مني ولا حاجة ده حتى لسة عاملي لايك من شوية..أنا على باله أهو".
لو عندك Overthinking و Anxiety ابعت الموضوع لأصحابك وحبايبك وقولهم ده أنا، وأنا بحبكم وعايزكم جنبي ومقدرش استغنى عنكم وبحاول أشتغل على نفسي علشان أتحسن وأكون مريح ليكم علشان انتوا تستاهلوا مني إني ما أتعبكوش..ولو تعرف حد كدة وفارق معاك اقرأ الكلام ده كويس وشوف هتستفيد منه إزاي علشان علاقتكم تبقى أحسن سوا
تحياتي / نهي عمار
ليست هناك تعليقات:
إرسال تعليق